Narco-Pilipinas
ni: Gabriele Talub
ni: Gabriele Talub
Kung
titignan natin ang Pilipinas ngayon, ano ang pinakamalaking problema nito?
Walang iba kundi ang pagpatay sa mga umano’y drug addict o Extrajudicial
Killings. Pero dahil ditto nakakalimutan natin ang pinakasanhi nito, ang
mismong droga.
Ang
pagkalulong sa sa illegal na droga ay laging nagsisimula sa mga salitang ita,
“Subukan lang natin.” Sinubukan nga nila nang sinubukan, hanggang sa puntong
sila’y nalulong na. Ang masama pa ay nalululong ‘din dito ang mga kabataan,
dahil sa mga masasamang impluwensya. Hindi nila namamalayan, ang nagpapasaya sa
kanila, ay unti-unti din silang pinapatay, at dahil sa droga sila’y nakakagawa
ng mga krimen tulad ng rape at minsan sila’y nakakapatay din. Sabi nila, bukod
sa kahirapan, ang droga ang pinaka-karaniwang sanhi ng krimen. Pero, ang
kahirapan din ay sanhi ng paggamit ng droga, maraming tao ay walang makain,
kaya sa droga nalang sila umaasa, para di maramdaman ang gutom. Dahil sa droga,
nakikita din natin ang korapsyon sa ating gobyerno, marami palang mga politico
ay nagtatanggol at nagsusupply ng droga sa mga drug-lord. Sa madaling salita,
maraming krimen sa ating bansa ay nagsisimula sa ilegal na droga.
Hindi
mawawala ang EJK, kung hindi magbabagong-buhay ang mga drug addict. Mayroon nga
akong nakitang post sa Facebook, “Kahit sino ‘man ang president mo, kung ayaw
mong magbago, hindi din magbabago ang kalagayan ng bansa.” Kooperasyon, ayan
nalang talaga ang kulang sa ating bansa ngayon. Kapag mayroon tayong
kooperasyon, maabot na din natin ang pinapangarap na magandang kinabukasan.
“Tagu-taguan”
"Nasa Huli ang Pagsisisi”
Ni: Geraldine Bielle F. Espiritu
Ni: Geraldine Bielle F. Espiritu
Ang bawat kilos na ating gagawin ay
paniguradong may kaakibat na responsibilidad. Responsibilidad na kung saan ay dapat
handa tayong panindigan ang anumanng kahahantungan nito. Kinakailangang may sapat na kaalaman tayo
bago tayo gumawa ng desisyon sa buhay upang maiwasan ang mga pagsisisi.
Ang lipunan ay punong-puno na ng
samu’t saring mga isyu o problema. Taon-taon, pataas ng pataas ang bilang ng
mga kabataang nabubuntis at pababa ng pababa ang edad ng mga kabataang
nabubuntis. Hindi rin natin masisisi ang mga kabataan sapagkat may pagkakataon
ring nagkukulang ang kanilang mga magulang. Simulan natin ang pag-aksyon sa
isyu sa pamamagitan ng pagmumulat ng mga mata ng kabataan at sa pagpapaliwanag
ng mga maaring kahinatnan ng kanilang gagawin. Kinakailangang alamin rin ng mga
magulang ang mga kaibigan o barkadang sinasamahan ng anak at tiyakin kung sila
ay nagdudulot ng maganda at mabuti sa iyong anak at hindi nagtuturo ng mga
masama at hindi magandang gawain. Ngunit lahat ng bilin ng mga magulang ay
walang epekto kung wala kang disiplina. Kinakailangang isipin mo na may tamang
oras at pagkakataon para sa lahat ng bagay kaya’t hindi mo kinakaialngang
magmadali. Hindi kinakailangang gawin mo ang bagay na iyon dahil iyon ang uso,
kinakailangang pag-isipan ito ng tama at hindi basta-basta magdesisyon. Hindi
mo kailangang makisabay sa uso, ang kailangan mo ay panindigan ang linya ni
Rizal na, “Ang kabataan ay ang pag-asa ng bayan.”
Lahat ng bagay ay higit na mas
maganda at mas maayos kung ito ay nakaayon sa panahon at pagkakataon. Tayo
lamang rin ang mahihirapan sa huli dahil pagkatapos ng lahat, tayo pa rin ang
haharap sa mga responsibilidad na kinahantungan ng ating mga desisyon. Makinig
tayo sa ating mga magulang dahil alam nila kung ano ang makabubuti para sa
atin. Bilang mga kabataan na siyang pag-asa ng bayan, tayo ay dapat magsumikap
sa pag-abot ng ating mga pangarap at isawalang bahala ang lahat ng mga bagay na
alam nating magdudulot ng hindi maganda para sa atin.
Kanser
ni: Florianne Joyce G.
Morales
“Kung walang corrupt, walang
mahirap.” Ito’y isang pamilyar at pamosong islogan na nakilala mula sa ating
dating pangulo, na si Benigno “Noynoy” Aquino III. Ngunit tama nga ba ang
mensahe ng islogan na ito? Talaga nga bang ang korupsyon ang ugat ng lahat?
Pero higit sa lahat. Ano nga ba ang korupsyon?
Ang korupsyon o
pangungurakot ay ang tumutukoy sa kawalan ng integridad at karapatan ng mga
nasa posisyon sa gobyerno sapagkat sila’y nagnakaw sa kaban ng bayan para sa
kanilang sariling kapakinabangan, na siya naman talgang laganap na sa mundo,
lalong-lalo na rito sa Pilipinas. At naniniwala ako na talagang ang korupsyon
ang siyang puno’t dulo ng iba pang mga isyung kinakaharap n gating lipunan sa
ngayon. ‘Pagkat kung ang pondo ng ating pamahalaan ay nagamit para sa mga
proyektong makatutulong sa ating bansa, edi sana maunlad at masagana na ang
Pilipinas. Kung nagamit lamang ang mga pondong iyon upang mabigyan ang bawat
isang Pilipino ng pagkakataon upang makapag-aral, edi sana lahat ay mgakakaroon
na ng mga sapat na kaalaman na tiyak na makakatulong upang makakita ng
magandang hanapbuhay. Kung matutugunan lamang sana ang pangangailangan ng bawat
isa, edi wala na sanang ngahihirap at nagugutom. Kung wala na sanang nagdudusa
mula sa kahirapan, edi sana’y wala na ring mga naaakit na gumawa ng mga krimen
at gumamit ng droga. Kung wala na sanang mga ganid na opisyal, na ang alam lang
ay magnakaw at isipin ang kanilang sarili lamang, edi sana’y wala ng korupsyon;
korupsyon na siyang nagdudulot ng hirap at pasakit sa mga taong naaapakan ng
mga corrupt na opisyal, lalong-lalo na sa mga aba at walang kapangyarihan.
Ating bigyang lunas ang
kanser ng lipunang matagal nang nagbibigay ng hirap sa ating pamayanan. Piliin
natin ang mga talagang karapat-dapat na umupo sa posisyong nagdudulot ng
malaking epekto sa ating lahat. At sa huli, huwag nating hayaang lamunin tayo
ng pagiging makasarili at ganid sapagkat sa huli, hindi lamang ikaw ang
maapektuhan, kundi pati na rin ang mga taong sa iyo ay nagtiwala.
Ni: Marc Emmanuel S.J. Ramos
“Tagu-taguan maliwanag ang
buwan, magtago na kayo nandyan na ang pulis.” Hayan na siguro ang pinakasikat
na kanta sa ating lipunan ngayon sa dami-rami na ng krimen at kasamaan sa ating
bayan pero bakit kaya sila patuloy sa paggawa nito?
Sabi nga nila, “ang lahat ng
bagay ay may dahilan” lalo na kapag masama ang nagawa. Maaaring nangangailangan
talaga sila para sa kanilang mga mahal sa buhay o napipilitan lang at hindi
makaalis sa mga sindikato. Ngunit hindi sapat ang kahit na anong dahilan para
gumawa ka ng masama, Malaki man o maliit. Palaging may mas epektibo at mabuting
paraan para masolusyonan ang mga problema. Nakakalungkot lang dahil ang ibang
tinuturing nating mga lider ay gumagawa rin ng masama at kung minsan ay sila pa
ang gumagawa ng malalaking krimen sa ating mamamayan at lipunan. Pero sa kabila
ng lahat, alam naman nating lahat na tayo ay may pagkakataon upang magbago.
Ikaw, kaya mo bang maiba at
magpakatino laban sa anumang pagsubok o makikisali ka lang sa kanilang
tagu-taguan?
Ibinulsang yaman
ni: EJ GIMOTEA
Sa
Lupang aking ginagalawan dito sa mundong punong-puno ng kasalanan , korupsyon
ang isa sa mga dahilan kung bakit patuloy na naghihirap ang isang bansa kasama
na ang bansang aking kinalakihan , ang Pilipinas. Korupsyon ay isang masamang
gawain ng mga politico dito sa ating bansa na iniisip lamang nila ay ang
kanilang pansariling kapakanan kesa sa kapakanan ng nasasakupan nila.
Bata
pa lamang ako namulat na ang aking isip sa kahirapang dinadanas ng aking
pamilya dahil iyon sa daming kaltas sa sweldo ng aking magulang upang maging
pondo ng ating gobyerno. Ngunit habang lumilipas ang mga taon mula sa pagiging
bata, ako’y napapaisip saan nga ba talaga napupunta ang taxo ng bawat
manggagawang Pilipino dito sa bansa kasama na ang buwis na kinakaltas sa sweldo
ng aking mga magulang. Samu’t saring balita ang naglalabasan tungkol sa mga
nawawalang yaman ng bansa tila’y ito na ang krimeng karumal dumal na ginagawa
ng mga nasa posisyon dito sa ating bansa, ang hindi paggamit ng kanilang
kapangyarihan sa paggawa ng kabutihan sa kanilang nasasakupan at higit sa lahat
ang krimeng pagnanakaw mula sa mga manggagawang Pilipino. Nakakapanghinayang
ang ganitong isyu ng korupsyon sa mga manggagawang Pilipino dahil labis nilang
pinaghihirapan ang perang kinikita nila upang matustusan ang kanilang pamilya
at makaambag ng yaman ng ating bansa. Kung magpapatuloy ito ano na lamang ang
mangyayari sa mga mahihirap nating kababayan mas lalo pa silang maghihirap at
babagal ang pag-unlad ng ating bansa. Nawa’y dumating ang araw na matatakot na
ang mga nasa gobyerno na mangurakot sa kaban ng bansa at mapanagot ng habang
hubay
Sa
huli ang hiling ng bawat mamamayang Pilpino ay mapanagot ang mga nasa likod ng
krimen ng korupsyon sa ating bansa, mapanagot habang buhay at di papayagang
makapagpiyansa. Bilang isang Pilipino paano ka makakatulong sa pagsugpo ng
korupsyon sa bansa?
Mga Komento
Mag-post ng isang Komento